MASTORI
Mechi kati ya Borussia Dortmund na Newcastle, usiku wa jumanne ililazimika kusimama kwa muda baada ya mashabiki wa Dortmund kurusha dhahabu feki na mifuko bandia uwanjani, huku wakibeba bango linalosomeka kwa maneno “HAMJALI KUHUSU SOKA- MNACHOTHAMINI NI PESA TU”.
Kitendo hicho cha mashabiki wa Borussia Dortmund kilitafsiriwa kimakosa,huenda kililenga wamiliki wa Newcastle kutoka Saudia Arabia, lakini ni wazi mashabiki walipanga kupinga mipango ya UEFA kutaka kutambulisha mfumo mpya kwenye Ligi ya Mabingwa kuanzia msimu wa 2024-25.
Mfumo huo mpya utashuhudia ongezeko la idadi ya timu zitakazoshiriki katika hatua ya makundi kupanda kutoka 32 mpaka 36 ,ikiwa ni mfumo unaolenga kunufaisha ligi kubwa Ulaya kama Premier league ambayo kwa mfumo huo inaweza kuingiza vilabu vitano.
Vilevile, baada ya kuwepo makundi nane yenye timu nne ,mfumo mpya utahusisha ligi moja kubwa ycnye timu 36.
Kila timu itacheza dhidi ya timu 10 tofauti, ikiwa ni michezo mitano nyumbani na mitano ugenini. Timu 8 bora zitafuzu moja kwa moja kwenye hatua ya mtoano ya 16 bora ,huku timu zitakazomaliza kuanzia nafasi ya 9 mpaka 24 zikichuana kwenye mtoano ili kujihakikishia nafasi ya kutinga nafasi ya 16 bora .
Kuanzia hapo utaratibu utakuwa kama ilivyozoeleka na timu zitachuana mpaka zitakapo salia timu mbili zitakazocheza fainali.
Author: Mujuni Henry
JUNIITV
Related Posts 📫
