HABARI KUU
Maofisa wa Uingereza na Uturuki watakutana kujadiliana kuhusu mfumo wa udhibiti kufuatia kifo cha Mwanamke mmoja mwaka 2019 kilichotokea katika upasuaji wa kuongeza makalio.
Melissa Kerr alifariki Dunia jijini Istanbul mara baada ya kufanyiwa upasuaji uliohusisha kukusanya mafuta na kuyaweka kwenye makalio yake.
Kifo cha Melissa (31) kilitokana na mafuta aliyochomwa kwenye makalio aliyochomwa kuingia kwenye mishipa na baadaye kwenda kuziba ateri ya mapafu.
Sababu ya kifo chake ilirekodiwa kuwa kuwa ni kuziba kwa ghafla kwa mishipa ya damu kulikotokana na kuwekewa mafuta. Huku sababu kuu ikiwa ni upasuaji wa urembo.
Maafisa hao wanaeleza kuwa Melissa hakuwa amepewa taarifa za kutosha kuhusiana na hatari za upasuaji huo ikiwemo kiwango cha vifo.
Vilevile wamesema yawezekana hakuna kabisa udhibiti au upo kidogo sana kuhusiana na upasuaji wa urembo.
Wizara ya Mambo ya nje ya Nchi ya Uingereza imeeleza inazo taarifa hizo zaidi ya raia wake 25 walipoteza maisha nchini Uturuki tangu January 2019 baada ya kufanyiwa upasuaji wa aina mbalimbali.
Author: Mujuni Henry
JUNIITV
Related Posts 📫
