DANI ALVES AHUKUMIWA KIFUNGO JELA

MICHEZO

NYOTA wa zamani wa timu ya Taifa ya Brazil, Dani Alves amehukumiwa kifungo cha miaka minne na miezi 6 jela baada ya kukutwa na hatia ya kumnyanyasa kingono mwanamke mmoja katika klabu ya usiku ya Barcelona mnamo mwaka 2022.

Uamuzi huo umefanywa na Mahakama kuu Nchini Uhispania ambayo sambamba adhabu hiyo imemuamuru beki huyo wa zamani wa Barcelona alipe euro 150,000 kwa mwathirika.

Alves (40) alikuwa ameshikilia kuwa ngono hiyo ilikuwa ya makubaliano. Mwendesha mashtaka alikuwa akitaka kifungo cha miaka tisa jela.

Hii ni mojawapo ya kesi zenye hadhi ya juu zaidi nchini Uhispania tangu sheria iliyopitishwa mwaka wa 2022 kufanya idhini kuwa kipengele muhimu katika kesi za unyanyasaji wa kijinsia na kuongeza muda wa chini wa jela kwa mashambulizi yanayohusisha unyanyasaji.

Author: Mujuni Henry

JUNIITV

Related posts:

DE BRUYNE NA MANCHESTER CITY BADO NGOMA NZITO MASON GREENWOOD NA MANCHESTER UNITED MAMBO NI SAFI SABABU DANI ALVES KUACHIWA HURU MFAHAMU MSHAMBULIAJI MPYA WA AZAM JHONIER BLANCO