HABARI KUU
Zaidi ya majeneza 150 yaliyokuwa yametengeneza tayari kwa ajili ya bioashara yakisubiri wateja, yameteketea kwa moto katika mjiwa Karatina, uliopo eneo la Bunge huko Mathira Nchini Kenya.
Kwa mujibu wa mashuhuda wa tukio hilo, wamesema mbali na Majeneza hayo, pia Samani zingine ikiwemo Meza, Viti, Makabati na aina mbalimbali yameteketea kwa moto huo unaodaiwa kuwa mkubwa uliotokea katika mtaa wa Sofia.
Kamishna wa Nyeri, Peter Murugu amesema chanzo cha moto huo bado hakijajulikana na kwamba uliripotiwa kutokea majira ya saa tisa alasiri na kuleta uharibufu katika Maduka ya juakali, yaliyoko mtaa huo wa Sofia.
Amesema, uchunguzi wa awali utafanywa kikamilifu ili kubaini kiwango hasa cha hasara hiyo ambayo aliitaja kuwa ya mamilioni kadhaa huku mmoja wa waathiriwa, James Njogu akisema amepoteza majeneza 16 ambayo alikuwa ameweka katika duka lake kusubiri wateja.
Author: Mujuni Henry
JUNIITV
Related Posts 📫
