Baada ya Siku chache kupita tangu Joseph Mbilinyi (Sugu) kutangazwa kuwa Mshindi wa nafasi ya Uenyekiti wa Chama Cha Demokrasia na Maendeleo CHADEMA kanda ya Nyasa.
Mapema leo June 3, 2024 Aliyekuwa Mgombea wa Kanda ya Nyasa, Mchungaji Peter Msigwa ametangaza kukata rufaa ya kupinga matokeo hayo akidai kuwa Mchakato wa Uchaguzi huo haukuwa halali ikiwemo baadhi ya Wanachama Waliostahili kupiga kura kuzuiliwa kufanya hivyo.
Akizungumza na Waandishi wa Habari na Wanachama wa CHADEMA Manispaa ya Iringa, Msigwa amesema kuwa Uchaguzi huo haukufuata utaratibu wa Kikatiba wa Chama hicho huku akieleza kuwa kulikuwa na Mazingira yaliyoandaliwa kwa ajili ya Mpinzani wake kushinda.
“Msimamizi wa uchaguzi alifanya kampeni ya kuniondoa katika nafasi akidai kuwa yalikua ni maelekezo kutoka uongozi wa juu kwa hoja kuwa nimekaa madarakani kwa muda mrefu, kulikua na figisu ikiwa ni pamoja na kuvurugwa kwa chaguzi za baadhi ya mikoa ikiwemo Mkoa wa Njombe ambako nilikua na wafuasi wangu” amesema Msigwa
Msigwa ameongeza kuwa baada ya kukata rufaa hiyo ataendelea kusalia kwenye Chama hicho hata kama rufaa yake haitabadilisha Matokeo ya Ushindi wa Mpinzani wake.
“najua wabaya wangu wengi walikuwa wanatoa ramli labda mimi leo nitahama siondoki siendi popote nipo CHADEMA sihami CHADEMA tutapambana humu humu yule anayetaka kunyofowa wengine atanyofolewa yeye tunachotaka haki itendeke hatutoogopa cheo cha Mtu wala sura ya Mtu” ameongeza Msigwa
Author: Mujuni Henry
JUNIITV
Related Posts 📫
