Blog

HABARI KUU

Mbunge wa Kisesa, Luhaga Mpina amefungiwa kuhudhuria vikao 14 vya Bunge kuanzia leo Juni 24, 2024 baada ya ‘kutiwa hatiani’ kwa kosa kukiuka kanuni za Bunge, kudharau mamlaka ya Spika na mwenendo wa shughuli za Bunge.

Mpina amepewa adhabu hiyo baada ya wabunge kuchangia hoja ya Kamati ya Haki, Maadili na Madaraka ya Bunge ambayo baada ya uchunguzi wake ilipendekeza mbunge huyo apewe adhabu ya kutohudhuria vikao visivyopungua 10.

Mpina ametiwa hatiani baada ya kuzungumza na waandishi wa habari kuhusu ushahidi aliouwasilisha kwa spika kabla ushahidi huo haujawasilishwa mezani au kupewa idhini na bunge kufanya hivyo.

Mbunge huyo aliwasilisha ushahidi baada ya kusema bungeni kuwa Waziri wa Kilimo, Hussein Bashe alilidanganya Bunge kuhusu mambo mbalimbali ikiwemo kiwango cha upungufu wa sukari nchini, kwamba kampuni zilizopewa vibali vya kuagiza sukari hazikuingiza sukari nchini na kwamba waziri alikataa kufanya kikao na wadau wa sukari.

Kufuatia adhabu hiyo, Mpina hatohudhuria vikao vya Bunge la Bajeti vilivyosalia, hatohudhuria Bunge la Septemba na ataanza kushiriki kikao cha pili cha Bunge la Novemba mwaka huu.

Baada ya kupewa adhabu hiyo, spika alimtaka Mpina ambaye alikuwa ndani ya ukumbi wa Bunge kutoka ndani ya ukumbi, ikiwa ni mwanzo wa kutumikia adhabu yake.

Wakati huo huo Kamati ya Haki, Maadili na Madaraka ya Bunge imesema uchunguzi wake umebaini kuwa Waziri wa Kilimo, Hussein Bashe hakusema uongo bungeni kama ambavyo ilidaiwa na Mbunge wa Kisesa, Luhaga Mpina.

Hayo yameelezwa bungeni leo na Mwenyekiti wa Kamati hiyo ambaye pia ni Mbunge wa Kondoa Mjini, Ally Makoa wakati akiwasilisha maoni ya kamati juu ya ushahidi wa Mpina kuthibitisha tuhuma zake dhidi ya Waziri wa Kilimo, Hussein Bashe kuwa alilipotosha Bunge kwa kusema uongo.

Juni 4 mwaka huu wakati Waziri Bashe akitoa ufafanuzi kuhusu suala la upungufu wa sukari nchini, Mpina alisimama bungeni na kusema kwamba maelezo aliyoyatoa waziri kuhusu kiasi cha upungufu wa sukari, na maelezo kwamba hadi Januari mwaka huu hakuna kampuni iliyopewa kibali cha kuingiza sukari kwamba ni uongo.

Author: Mujuni Henry

JUNIITV

Related Posts 📫

Kurasa za Magazeti ya Leo

Dar es salaam, TANZANIA 🇹🇿.

Read more

DUNIA INGEKUWA NZURI KAMA TUNGEKUWA NA WANAWAKE...

MASTORI Waziri wa Nchi, Ofisi ya Rais Mipango na uwekezaji...

Read more

DC apiga marufuku wanafunzi kuchezwa ngoma

Mkuu wa Wilaya ya Kisarawe mkoani Pwani, Petro Magoti amepiga...

Read more

Aina za UTI SUGU kwa Mwanamke na...

U.T.I ni nini? U.T.I(Urinary Tract Infection) kwa wanawake ni maambukizi ya...

Read more

AHUKUMIWA KIFUNGO MAISHA JELA KWA KUMLAWITI MTOTO...

HABARI KUU Mahakama ya Wilaya ya Muheza Mkoani Tanga imemuhukumu...

Read more