Kula udongo wakati wa ujauzito ni tabia inayojulikana kama “geophagy” au “pica,” na inaweza kuonekana katika maeneo mbalimbali duniani kwa wanawake hususani wakati wa ujauzito. Ingawa kuna imani kwamba kula udongo kunaweza kuwa na faida kwa mjamzito!. Japo ukweli ni kwamba kuna hatari nyingi zinazoweza kuathiri afya ya mama na mtoto kutokana na ulaji wa udongo.
Yafuatayo ni maelezo ya hatari na ushauri kuhusu kula udongo wakati wa ujauzito:-
Hatari za Kula Udongo Wakati wa Ujauzito:-
1️⃣. Magonjwa na Vimelea: Udongo unaweza kuwa na vimelea vya magonjwa kama minyoo, bakteria, na virusi ambavyo vinaweza kumdhuru mama na mtoto.
2️⃣. Sumu za Mazingira: Udongo unaweza kuwa na sumu kama risasi, zebaki, na arseniki ambazo ni hatari kwa afya ya mama na mtoto.
3️⃣. Upungufu wa Virutubisho: Kula udongo kunaweza kusababisha upungufu wa virutubisho muhimu kama chuma na zinki kwa sababu huzuia ufyonzwaji wake mwilini.
4️⃣. Tatizo la Utumbo: Udongo unaweza kusababisha kuziba kwa utumbo na matatizo mengine ya mfumo wa mmeng’enyo wa chakula.
5️⃣. Upungufu wa Damu: Kula udongo kunaweza kuchangia upungufu wa damu (anemia) kwa mama, hali ambayo inaweza kuathiri ukuaji wa mtoto.
Ushauri:-
1️⃣. Lishe Bora:
Hakikisha unapata lishe bora yenye virutubisho muhimu kwa afya yako na ya mtoto wako. Jumuisha vyakula kama mboga za majani, matunda, nyama, na vyakula vya nafaka nzima.
2️⃣. Virutubisho vya Ziada: Ikiwa kuna upungufu wa virutubisho, daktari anaweza kupendekeza virutubisho vya ziada kama tembe za chuma au vitamini.
3️⃣. Epuka Vitu Vingine Hatari: Epuka kula vitu vingine visivyo chakula kama chokaa, sabuni, au gundi.
Ulaji wa udongo wakati wa ujauzito si salama kabisa kwa afya ya mama na mtoto. Ni muhimu kuzingatia lishe bora na kupata ushauri wa kitaalamu ili kuhakikisha afya njema kwa wote wawili.
Author: Mujuni Henry
JUNIITV
Related Posts 📫
Discover more from JUNIITV.ONLINE
Subscribe to get the latest posts sent to your email.
