Ute ukeni hutofautiana kwa rangi, muonekano, na harufu kulingana na mzunguko wa hedhi, afya ya kijinsia, na mabadiliko ya homoni.
Aina za ute ukeni zinaweza kutoa viashiria kuhusu afya ya kijinsia na mabadiliko ya mwili.
Zifuatazo ni aina za ute ukeni na maana zake:
- Ute Wa Kawaida.
Ute wa kawaida hujulikana kwa kitaalamu kama Normal Vaginal Discharge.
Ute huu ni wa kawaida na hutokea kila siku.
Ute huu kwa kawaida, ni wazi (clear) au rangi ya maziwa ya mgando (white). Hutokea kwa kiasi kidogo na hauna harufu kali.
Ute wa kawaida hufanya kazi ya kusafisha uke na kuweka mazingira ya ukeni kuwa na pH sahihi.
- Ute Wa Ovulation.
Ute wa ovulation hujulikana kwa kitaalamu kama Fertile Mucus.
Wakati wa ovulation (kutoa mayai), ute ukeni unaweza kuwa wazi (clear), nyororo (slippery), na unatoa viashiria vya uzazi.
Ute huu unaweza kufanana na ule ute mweupe wa yai bichi la kuku na husaidia manii kufika kwenye mayai (ova) kwa urahisi.
- Ute Wa Hedhi.
Ute wa hedhi hujulikana kwa kitaalamu kama Menstrual Discharge.
Ute wa hedhi unatokea wakati wa mzunguko wa hedhi na kawaida unaambatana na damu. Kawaida, ute wa hedhi una rangi ya damu nyekundu, lakini inaweza kubadilika kutoka kwa mwanamke mmoja hadi mwingine.
- Ute Wa Maambukizi.
Ute wa maambukizi hujulikana kwa kitaalamu kama Infection Discharge.
Maambukizi ya ukeni, kama vile ugonjwa wa zinaa au maambukizi ya kawaida, yanaweza kusababisha ute ukeni kuwa na rangi isiyo ya kawaida (kama vile kijani au manjano) na harufu mbaya.
Ute wa maambukizi unaweza kuambatana na dalili kama vile kuwasha, kuungua, au maumivu.
- Ute Wa Ujauzito.
Ute wa ujauzito hujulikana kwa kitaalamu kama Pregnancy Discharge.
Ute wa ukeni unaweza kuongezeka wakati wa ujauzito. Unaweza kuwa wazi (clear) na unaweza kuwa na rangi tofauti na harufu tofauti kuliko kawaida. Hii inaweza kuwa ishara ya ujauzito.
- Ute Wa Ukomo Wa Hedhi.
Ute wa ukomo wa hedhi hujulikana kwa kitaalamu kama Menopausal Discharge.
Baada ya kufika kwenye ukomo wa hedhi, wanawake wanaweza kupunguza uzalishaji wa ute ukeni, na unaweza kuwa mwembamba zaidi.
Ute wa menopause unaweza kusababisha ukavu wa uke (vaginal dryness).
Kumbuka kwamba mabadiliko ya ute ukeni yanaweza kuwa ya kawaida na yanaweza kutofautiana kati ya wanawake.
Hata hivyo, mabadiliko makubwa au ya ghafla katika ute wa ukeni, hasa ikiambatana na dalili za wasiwasi, yanaweza kuwa ishara ya tatizo la kiafya.
Author: Mujuni Henry
JUNIITV
Related Posts 📫
Discover more from JUNIITV.ONLINE
Subscribe to get the latest posts sent to your email.
