Makala Fupi
Mahusiano au Ndoa hazikamiliki kwa kila kitu hata waliopo wangetumia muda gani katika kuchunguzana? Mwanzoni huwa ni rahisi kuingia kwasababu uwepo wa madhaifu unakuwa haupo . Kama ni mwanaume ataona pisikali na ataitongoza kwa ahadi kedekede na bashasha kubwa ,huku na hiyo pisi ikikubali kwasababu ahadi ni nzuri na za kuvutia.
Matatizo mengi, huanza pale Wapenzi wanapozoeana hasa katika hali fulani mathalani kwenye tendo la ndoa ndio huwa chanzo cha mambo yote iwapo mmoja atagundua madhaifu fulani ya mwenzake. Lakini pia hata kwenye mazungumzo ya kawaida, udhaifu unaweza pia kuwepo kwasababu kuna mwingine atamuona mwenzie kama akili haziko sawa nk.
HIZI NDIZO SABABU ZA WAPENZI KUCHEPUKA.
TAMAA ZA MWILI NA PESA
Ni jambo la kawaida kukosa na kupata kwenye utafutaji lakini kwasababu ya hali zetu za kimaisha kuwa tofauti basi wapenzi wetu wamekuwa wakitumia nafasi hiyo kuwa na mahusiano na watu wengine. Wanawake, siku hizi wana Vikoba ambavyo kila siku au wiki wanatakiwa kutoa hela. Sasa ikitokea,baba hujatoa hela ya kutosheleza basi Mwanamke anaweza kutoka nje ili apate mtu wa kumsaidia hili.
Wanaume pia unakuta kaoa Mwanamke mzuri lakini bado hatulii mpaka unajiuliza anatafuta nini? Lakini majibu ya wengi yamekuwa ni kutafuta ladha mpya. Kwa mtu,mwenye misingi mizuri ya maadili atailinda ndoa yake kwa gharama yoyote bila kujali hisia za mwili.
MADHAIFU KWA WAPENZI
Hali ya kimwili nayo inachangia pakubwa kwenye masuala ya mahusiano. Mfano mwanamume akishindwa kutekeleza majukumu ya ndoa yaani “hana nguvu za kiume” mara nyingi Mwanamke atashinikiza waachane ,kwa kuomba talaka na Mwanaume anaposhindwa kutoa basi Mwanamke analazimika kuchepuka bila ya hata kuwa mvumilivu.
Kwa upande mwingine, Mwanamke akiwa hapati UJAUZITO nayo inakuwa sababu ya mwanaume kutafuta Mwanamke wa pembeni hili apate uzao. Kwahiyo, kuchepuka kuna mambo mengi ambayo kwa Upande fulani yanaumiza waliopo kwenye mahusiano au ndoa zao.
Author: Mujuni Henry
JUNIITV
Related Posts 📫
Discover more from JUNIITV.ONLINE
Subscribe to get the latest posts sent to your email.
