MAKALA

Ripoti ya nne ya ‘Global Mind Project’ kuhusu ‘Hali ya Kiakili ya Dunia’ (iliyofanywa na Sapien Labs) imependekeza kupungua kwa ustawi wa kiakili kimataifa tangu kuanza kwa janga la korona ambapo Tanzania imeibuka kinara kwa kiwango cha Afya ya Akili (MHQ) kwa Nchi za Afrika ikiwa na alama 88, huku Nigeria (83) na Zimbabwe (74) zikifuata kwa karibu.

Nchi nyingi za Amerika Kusini na Afrika zimekuwa na viwango vya juu vya Afya ya Akili huku sehemu kubwa ya Nchi za Ulaya na Marekani zikiwa katika robo ya chini hali inayopingana na maoni ya kawaida kwamba utajiri huongeza ustawi wa afya ya akili.

Kulingana na ripoti hiyo, Uingereza imerekodi alama za chini kiasi za 49 kwenye Kiwango cha Afya ya Akili (MHQ), ambapo zaidi ya nchi 10 za Kiafrika zilipata alama zaidi ya 60 kwenye MHQ.

Ripoti hiyo inakusanya majibu kutoka kwa zaidi ya watu 500,000 iliyokusanywa kwa mwaka mzima katika nchi 71, ikijumuisha kanda 9 za kijiografia zikiwemo Afrika.

“Katika ripoti yetu ya kila mwaka ya 2021 tulionyesha kuwa wastani wa alama za ustawi wa akili za watu wanaotumia mtandao wa internet wa nchi zilihusiana sana na kwa kiasi kikubwa na vipimo vya uchumi kama vile Pato la Taifa la kila mtu na hata Kielezo cha Maendeleo ya Binadamu,” ripoti hiyo ilisoma.

Ripoti hii hutumia alama za pande sita, ikiwa ni pamoja na hali na mtazamo, ubinafsi wa kijamii, msukumo na motisha, uwezo wa kubadilika na uthabiti, utambuzi na muunganisho wa mwili wa akili. Alama hizi pia zinakokotolewa kwa kutumia vikundi vidogo vya vipengee 47 vilivyotathminiwa ili kutoa mwonekano wa punjepunje zaidi.

See also  MIAKA 25 YA MTANDAO WA GOOGLE FURSA NYINGI