MALAM BACAI SANHA JR AHUKUMIWA MIAKA 6 JELA KWA KUSAFIRISHA DAWA ZA KULEVYA

HABARI KUU

Mahakama nchini Marekani imemuhukumu kifungo cha zaidi ya miaka sita mtoto wa Rais wa zamani wa Guinea-Bissau Malam Bacai Sanha Jr almaarufu kama ”Bacaizinho” kwa makosa ya usafirishaji wa Kimataifa wa dawa za kulevya.

Sanha Jr (52), ni mtoto wa aliyekuwa Rais wa nchi hiyo Malam Bacai Sanha, aliyeongoza kuanzia mwaka 2009 hadi mwaka 2012 alipofariki.

Sanha Jr anahusishwa na Mapinduzi yaliyofeli Februari 2022. Alikabidhiwa kwa Serikali ya Marekani Agosti 2022 baada ya kukamatwa nchini Tanzania.

Kwa mujibu wa FBI,

”Sanha Jr alikuwa akisafirisha dawa kwa nia ya kupata pesa za kufadhili mapinduzi yatakayomuwezesha kuwa Rais wa Guinea-Bissau ambapo walipanga kuanzisha utawala wa dawa za kulevya”.

Amewahi kushikilia nafasi mbalimbali katika Serikali ikiwemo ya mshauri wa masuala ya Uchumi wa baba yake wakati alipokuwa Rais.

Guinea-Bissau ni kitovu maarufu cha biashara haramu ya dawa za kulevya. Ni njia kuu inayotumika kusafirisha dawa hizo kutokea Amerika Kusini kwenda Ulaya.

Author: Mujuni Henry

JUNIITV

Related posts:

Rais wa Kenya William Ruto, anayetamatiza ziara yake ya siku nne nchini Marekani, amesema, yeye ndiye aliyeamua polisi wa nchi yake kwenda nchini Haiti, na wala sio Marekani. GARI LA KAMPUNI YA KILIMANJARO KUUZWA Chama tawala nchini Afrika Kusini cha African National Congress (ANC), kina kila dalili za kupoteza wingi wa wabunge kwa mara ya kwanza tangu kilipoingia madarakani miaka 30 iliyopita. Huku asilimia 50 ya kura zikiwa tayari zimehesabiwa, ANC inaongoza kwa asilikia 42, ikifuatiwa na Democratic Alliance (DA) yenye asilimia 23. Waziri Mkuu wa Israel Benjamin Netanyahu amesisitiza kuwa hakutakuwa na usitishaji vita ya kudumu huko Gaza hadi pale uwezo wa kijeshi na uongozi wa Hamas utakapoangamizwa na mateka wote waachiliwe.