Sababu Zinazochangia Shahawa kumwagika baada ya tendo la Ndoa

0:00

Mbegu za kiume (manii) kumwagika baada ya kumaliza tendo la ndoa ni jambo la kawaida na zipo sababu zinazopelekea hali hiyo:

Mkusanyiko wa Manii kwenye Uke:
Wakati wa kumaliza tendo la ndoa, manii huachiliwa ndani ya uke. Uke hauna uwezo wa kuhifadhi kiasi kikubwa cha majimaji, hivyo sehemu ya manii inaweza kutiririka nje baada ya kumaliza tendo la ndoa.
Maumbile ya Uke:
Uke na mlango wa mfuko wa uzazi (cervix) vipo katika mkao ambao hauwezi kushikilia majimaji yanayoingia ndani yake. Baada ya tendo la ndoa, uke unajirekebisha na kubana, hali inayosababisha baadhi ya manii kumwagika nje.
Manii kuwa nyepesi:
Manii yana majimaji yanayosaidia kuziwezesha mbegu za kiume kusafiri kuelekea kwenye mfuko wa uzazi (uterus). Manii haya ya ziada huwa mepesi na mara nyingi hutiririka nje baada ya tendo la ndoa.
Kulegea kwa misuli ya uke:
Misuli ya uke hulegea kutokana na sababu mbalimbali kama maambukizi katika via vya uzazi, kujichua, kujifungua mara nyingi zaidi nk.. Misuli hiyo inapolegea huwa ni rahisi kuachilia mbegu baada tu ya kumaliza tendo la ndoa.

Hata hivyo, ni muhimu kutambua kwamba hali hii haina athari mbaya kwenye uwezo wa kushika mimba. Mbegu za kiume zinazohitajika kwa ajili ya kutungisha mimba husafiri haraka kuelekea kwenye mfuko wa uzazi mara tu baada ya kumaliza tendo la ndoa, na kiasi kidogo kinachomwagika nje hakina athari kubwa kwenye mchakato huo.