0:00
Rais Samia Suluhu Hassan amewaagiza Machifu kutoka mikoa yote nchini kwenda kusimamia falsafa ya R4 katika utekelezaji wa majukumu yao ili kujenga misingi ya usawa, utawala bora, uwazi na uwajibikaji katika jamii wanazotoka.
Rais Samia ametoa maagizo hayo Ikulu, Chamwino mkoani Dodoma leo alipokutana na Machifu hao na kuzungumza nao kuhusu masuala mbalimbali ikiwemo kuona namna gani jamii inaishi kwenye mila na desturi ya mtanzania ambayo kwa sasa inaonekana kutoweka.
“Tunaposema hakuna mtu aliye juu ya sheria, vivyo hivyo hakuna taasisi iliyo juu ya sheria mama ambayo ni Katiba yetu ya nchi. Katiba yetu inahimiza misingi ya usawa, utawala bora, uwazi na uwajibikaji. Mambo haya kwa ujumla yanasimamia haki ya mwanadamu. Hivyo basi ni wajibu wetu Machifu kuendesha kazi zetu kuendana na misingi ya Katiba na kusimamia haki kwa binadamu wote huku tukizingatia mila na desturi zetu.” Alisema Rais Samia.
Jambo jingine la tatu ambalo Rais Samia amelisisitiza kwa Machifu hao ni kuhakikisha mila, desturi na utamaduni wa mtanzania vinafuatwa katika jamii licha ya uwepo wa mabadiliko ya kidunia ambayo yanawafanya wanadamu pia kubadilika.
“Suala la nne ni kukuza utawala wa kidemokrasia na uwazi katika maeneo yetu kule. Kuna mambo mengi yanatokea Machifu mko huko chini, unakwenda pahali unakuta kuna malalamiko mengi ya wananchi, akitokea kiongozi wa chama au wa Serikali ndio wananchi wanakimbilia. Kuna mambo mengi huko yanatokea, tunaomba machifu tusaidieni, nyinyi kama viongozi wa jamii mliokubalika kule, migogoro mingine hii tusaidieni.” Aliendelea Rais Samia.
Katika hatua nyingine, Rais Samia amewaagiza Machifu hao kwenda kutoa elimu kwa viongozi wa kisiasa katika maeneo wanapotoka kuhusu kuondokana na dhana ya imani za kishirikina inayosababisha kufanyika kwa vitendo vya kikatili katika jamii.
Rais Samia amekutana na Machifu hao ikiwa ni ahadi yake aliyoitoa Septemba 8, 2021 katika Tamasha la Utamaduni wa Mtanzania lililofanyika wilayani Magu, Mkoa wa Mwanza.
Author: Mujuni Henry
JUNIITV
Related Posts 📫
In a statement released on Wednesday, Acting Police Inspector General...
MICHEZO
FIFA imewateua waamuzi wanne kutoka baraza la Vyama vya...
MICHEZO
Mwandishi nguli wa habari za michezo, Fabrizio Romano amethibitisha...
HABARI KUU
Mahakama kuu imetengua uamuzi wa Baraza Kuu La...
MAGAZETI
Karibu Mtanzania popote pale ulipo kwenye asubuhi ya leo...
Discover more from JUNIITV.ONLINE
Subscribe to get the latest posts sent to your email.
